Rynsan Khasi

by Nongniah Kali

Ki ong ba pha lah kylla,
Riew kieng atiar la pynliem da u pyrjong Bangla,
Ki shong shuki ki lah kynmaw la ki dustur riti (Ryngkat bad I wain nabar ri)
La ia suk u Dkhar bad u Khasi.

Lehse nga ieid palat ia pha.
Mynshwa nga phet ,
Tang namar ba la pynsyier pynsmiej
Ia I Mei I Pa da kito kiba la pule puthi
“Lah ba mih shabar fi, Shillong is not like our days.”

Ban peit tang ia kaei kaba sniew kaba jia ia pha.
“Phet wir phet jngai la sdang kiew ka skai”
Da kito kiba shong sawdong shawla ha
‘Sngi u blei’ ban
Phai noh pat sa sha ki khana na “Rynsan Khasi.”

Ki seng ieid ri ki lah sdang mane spah,
Ka rong saw jong phi la dung da u paia, tep shyiap bad ka dew bilat.
Ia nga tang ka rong stem ban da na ka slap ka lyer .
U mraw pyntullun shalyntem lai rong ngam mynjur long.

Nongniah Kali is a poet of the undercurrents and is currently hiding from tymmen basans

One Response

  1. Tiew lalyngi pep shad
    Ba la shah teh lakam
    Da ki kti thombor ka por.
    Map i kyrpad;
    Khosiew ha snieh pyrthei,
    Ki ummat ksiar i pynjaw.

    Katba ki aiom ki iai tyllun,
    I phuh samrkhie-
    Mynta ba dag iohi ia ki sur myllung.
    Ka mariang ka bym ju thok.

    Mynder u pyrshang kner;
    Ia ine i khun rangli ka mei ramew.
    Hynrei u sep ei, namar ki thied
    Ki suh sieng shaduh ki thwei ka pyrthei.

    Tiew lalyngi pep shad
    Ba la shah teh lakam
    Da ki kti thombor ka por.
    Map i kyrpad,
    I angnud ba i pep
    Ia ka sngi leh sngewbha
    Ki jingthaw kyrpang
    Ba kup laper
    Da ki rong Burom jong
    Kane ka iing basa.

    Ynda la rangbah-

    Dohnud ba lah shroin.
    Shu ap tang ka por
    Ban pyn nii bad
    Ban beh da ka lyer
    Sha ri ki snaiap.
    Ym don jingkyrmen,
    Ym don shuh ki sur myllung-
    Ban pyn phuh samrkhie
    Ia ka dur ba la tap tang
    Da ki jingkynmaw kthang.
    Lah biang kane ka jingiaid
    Ban shem jingstad.
    Ka shu ialam tang ha ki apot
    Ha ki snar ba teh kynjri
    Ia une u moina ha ruh met
    Bad kaba shu kular
    Tang ia ki jingphohsniew.
    Liah.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: